कावासोतीको हसौरा खोलामा पौडी खेल्न गएका बालकको मृत्यु

नवलपुरको कावासोती नगरपालिका वडा नं ४ चिलाहा पुछार स्थित हसौरा खोलामा पौडी खेल्न गएका कावासोती ३ का अन्दाजी १३ बर्षीय बालकको मृत्यु भएको जिल्ला प्रहरी कार्यालय, नवलपुरका सूचना अधिकारी प्रहरी नायव उपरीक्षक बेद बहादुर पौडेलले जानकारी दिनुभयो।

कावासोती नगरपालिका ३ मानचोक बस्ने सुरज बहादुर बिकको छोरा शिशिर बिक आफू लगाएत अन्य ३ जना साथीहरु सहित हसौरा खोलामा पौडी खेल्न गएका बखत दिउसो करिब २:२० मा बेपत्ता भएका थिए।

बालक डुबी बेपत्ता भएको भनि खबर प्राप्त हुनासाथ तत्काल प्र.नि. सुदिप भण्डारीको कमाण्डमा १५ जनाको टोली खटी गएकोमा २:५५ बजे मृत अवस्थामा फेला पारी घटनाको बारेमा अन्य थप अनुसन्धान कार्य भैरहेको उहाँले बताउनुभयो।