झुठ्ठा विवरण पेश गरि दोहोरो नागरिकता लिन खोज्ने गैंडाकोटका सापकोटा पक्राउ

३६३ पटक पढिएको

भदौ १३,गैंडाकोट। झुठ्ठा विवरण पेश गरेर पुन अर्को नागरिकता लिन खोज्ने एक जनालाई नवलपुर प्रहरीले पक्राउ गरेको छ ।

दोहोरो नागरिकता लिन खोज्ने नवलपुरको गैंडाकोट नगरपालिका वडा नं. ५ निवासी बलराम सापकोटाका २८ बर्षीय छोरा अर्जुन सापकोटा लाई पक्राउ गरेको जिल्ला प्रहरी कार्यालय नवलपुरका प्रहरी नायब उपरीक्षक बेद बहादुर पौडेलले जानकारी दिनुभयो।

उनले पहिलोपटक जिल्ला प्रशासन कार्यालय बाग्लुङ बाट मिति २०७३।०४।१४ गते ना.प्र.प.नं. ३६२०२६-२५८३ नं. को नेपाली नागरीकता लिएको खुलेको छ। गत भदौ ११ गते जिल्ला प्रशासन कार्यालय नवलपुरमा पुन: नेपाली नागरिकता बनाउन जन्म मिति लगायतका सम्पुर्ण  विवरण झुठ्ठा पेश गरी दोहोरो नागरीकता लिन खोज्दा उनी पक्राउ परेका हुन्।

उनलाई पक्राउ गरि मुलुकी फौजदारी कार्यविधि संहिता  २०७४ को दफा १४ (६) बमोजिम  दोहोरो नागरिकता शिर्षकमा सम्मानित नवलपुर जिल्ला अदालत बाट दिन ५दिन म्याद थप गरी अनुसन्धान कार्य भईरहेको पौडेलले बताउनुभयो।