गैंडाको आक्रमणबाट गैंडाकोटका एक पुरूष घाईते

गैंडाकोट नगरपालिका वडा नं. ६ का बर्ष ५५ का नेप्ते कुमाललाई गैंडाले साँझ ५:३५ बजेको समयमा आक्रमण गरेको जिल्ला प्रहरी कार्यालय,
नवलपुरका सूचना अधिकारी प्रहरी नायव उपरीक्षक बेद बहादुर पौडेलले जानकारी दिनुभयो।

उनलाई वडा ६ मा रहेको  नगरवनमा घाँस काट्न जाने क्रममा गैंडाले आक्रमण गरेको हो।  घाईते कुमाललाई प्रहरी टोलीले उद्धार गरी उपचारको लागी जिल्ला सरकारी अस्पताल भरतपुर चितवन पठाएको छ।  घाइतेको ढाँडमा सामान्य चोट, श्वास प्रश्वासमा समस्या रहेको पौडेलले जानकारी दिनुभयो।