बलेरोको ठक्करबाट चितवनमा पैदल यात्रीको मृत्यु

चितवनको खैरहनी नगरपालिका १ बहेराचोक स्थित पुर्व महेन्द्र राजमार्गमा प्र.२-०३-००१ च ५९५९ नं. को आईचर बलेरो गाडीले पैदल यात्रीलाई ठक्कर दिँदा उनको मृत्यु भएको जिल्ला प्रहरी कार्यालयका प्रवक्ता डीएसपी भेषराज रिजालले जानकारी दिनुभयो ।

मृत्यु हुनेमा जिल्ला रौतहट कटहरिया नगरपालिका १ बस्ने बर्ष ७० को लोचन यादव रहेका छन्। बेलेरोबाट गम्भीर घाईते भई उपचारको लागी भरतपुर सरकारी अस्पताल पठाएकोमा डाक्टरले साँझ ८ बजे मृत घोषणा गरेको थियो। उनलाई बेलुकी ७:३० बजे बलेरोले ठक्कर दिएको थियो। चालक जिल्ला पर्सा गढिमाई न.पा.३ बस्ने बर्ष २६ को प्रदिप पटेल नियन्त्रणमा रहेको छ। घटनाको बारेमा थप अनुसन्धान भैरहेको रिजालले बताउनुभयो।