चलचित्र “फेरि रेशम फिलिली” को छायाङ्कन सुरु

११५ पटक पढिएको

काठमाडौँ । चलचित्र “फेरि रेशम फिलिली” को सोमबारबाट छायाङ्कन सुरु गरिएको छ।

सोमबारदेखि फिल्मको छायाङ्कन सुरु गरिएको निर्माता रौनकविक्रम कँडेलले बताए। लेखन तथा निर्देशन निरोज महर्जन‍ रहने फिल्ममा विनय श्रेष्ठ, सुपुष्पा भट्ट, नीर शाह, रवीन्द्र झा, प्रकाश घिमिरे, कामेश्वर चौरसिया,एलनराज उप्रेती, लक्ष्मी गिरी, महेश त्रिपाठी लगायत कालाकारहरुको अभिनय रहने बताईएको छ।

रौनक विक्रम कँडेल निर्माता रहेको चलचित्र  “फेरि रेशम फिलिली” को कार्यकारी निर्माता सुरज बम ठकुरी रहेका छन्। सिनेमा आर्टसको प्रस्तुति र  दि मोसन पिक्चर्सको सहकार्यमा उक्त चलचित्र बन्न लागेको हो ।

सुजन प्रजापतिको छायाङ्कन, सुरेन्द्र पौडेलको सम्पादन रहने फिल्ममा पटकथा निरोज महर्जन र आकाश बरालको रहेको छ ।

कालीप्रसाद बास्कोटा, एसीडी योगी, हर्क साउद, कल्याण सिंह, जयन वाइबा र दीपक शर्माको सङ्गीत रहनेछ ।