बेपत्ता छात्रा बिपना चौधरी मृत अवस्थामा फेला

२४२ पटक पढिएको

कावासोती । कात्तिक १२ गतेदेखि बेपत्ता छात्रा बिपना चौधरी मृत अवस्थामा फेला परेकी छन्।

नवलपुरको मध्यविन्दु २ स्थित कुमारवर्ती माध्यमिक विद्यालयकी छात्रा बिपना चौधरी शब हिजो साँझ मृत अवस्थामा फेला परेको हो।

बिहीबार साँझ ६ बजेतिर मध्यविन्दु – १५ कोलकट्टा नारायणी नदीको किनारमा उनको शव भेटिएको जिल्ला प्रहरी कार्यालय नवलपुरका सूचना अधिकारी जेशी शाहले जानकारी दिनुभयो ।

शवलाई पोस्टमार्टमका लागी मध्यबिन्दु जिल्ला अस्पताल डाण्डा पठाइएको छ।  उक्त शब बिपनाकै रहेको उनका हजुरबुवा सिताराम महतोले बताए।

नारायणी नदिमा माछा मार्ने बोटेले देखी प्रहरी चौकी तम्सरियालाई खबर गरेपश्चात प्रहरी टोली घटनास्थलमा पुगेको थियो।

बिपना कात्तिक १२ गते सोमबार पिकनिकका क्रममा बन्दीपुरबाट फर्कदै गर्दा नारायणघाट–मुग्लिङ सडक खण्डको तीन नम्बर पुलमा शौच गर्न झरेकी थिइन् र त्यसपछि उनी सम्पर्कविहीन भएकी थिइन्।