गैंडाको आक्रमणबाट कावासोतीमा एक पुरूषको मृत्यु

आज दिउसो अन्दाजी १२:४० बजेको समयमा नवलपुरको कावासोती ७ स्थित कृष्णसार सामुदायिक बनमा गाई/गोरु चराउन जाने क्रममा सोही स्थान बस्ने बर्ष ६५ को सुक बहादुर बोटेलाई गैँडाले आक्रमण गरेको थियो।

गम्भिर घाईते बोटेलाई  छातीमा गम्भीर चोट लागि उपचारको लागि कालिगण्डकी अस्पताल ल्याइएकोमा उपचारको क्रममा डाक्टरले उनलाई मृत घोषणा गरेको जिल्ला प्रहरी कार्यालयका सूचना अधिकारी जेशी शाहले जानकारी दिनुभयो।

घटनाको बारेमा थप अनुसन्धान भैरहेको प्रहरीले बताएको छ।