भरतपुरमा बलेरोले साईकललाई ठक्कर दिँदा एक बालकको मृत्यु

२३९ पटक पढिएको

भरतपुर,कात्तिक २३– भरतपुरमा बलेरोले साईकललाई ठक्कर दिँदा गैँडाकोट बस्ने एक बालकको मृत्यु भएको छ।

आज दिउसो करिब १२ बजेको समयमा चितवनको भरतपुर महानगरपालिका ५ नयनचोकमा ना ४ च ६९५१ नम्बरको बलेरोले साइकललाई ठक्कर दिंदा साइकल चालक जिल्ला पर्सा सखुवापर्सौनी गा.पा.४ घर भई हाल गैंडाकोट न.पा.५ मा डेरा गरि वस्ने वर्ष १७ को इशान अन्सारीको मृत्यु भएको जिल्ला प्रहरी कार्यालय चितवनले जानकारी दिएको छ।

गम्भिर घाइते भइ उपचारको लागि भरतपुर सरकारी अस्पताल पठाएकोमा अन्सारीको १२:२५ बजेको समयमा अस्पतालले मृत घोषणा गरेको थियो।

ठक्कर दिने बलेरो र चालक जि.चितवन माडी न.पा.३ बस्ने बर्ष २४ को मनोज महत्तो प्रहरी नियन्त्रणमा रहेका छन्। घटनाको बारेमा थप अनुसन्धान भैरहेको प्रहरीले बताएको छ।