गैंडाको आक्रमणबाट मध्यबिन्दुमा एक पुरूषको मृत्यु

आज बिहान  करिब ११:४० बजेको समयमा नवलपुरको मध्यबिन्दु ०६ भडारा बस्ने वर्ष-६५ को नाथुराम थारु २ बुहारी सहित घर नजिकै रहेको बारीमा आलु लगाउन गएको अवस्थामा अचानक गैडाले आक्रमण गरेको थियो।

गैंडाको आक्रमणबाट पेट,टाउकोमा गम्भीर चोट लाग्नगई घटनास्थलमा नै थारूको मृत्यु भएको हो।

स्थानीयबासी मार्फत प्रहरीलाई जानकारी प्राप्त हुनासाथ प्रहरी टोलि घटनास्थलमा खटि गएको जिल्ला प्रहरी कार्यालय नवलपुरले जनाएको छ। घटनाको बारेमा थप अनुसन्धान भैरहेको छ।