चितवनमा बनभोज गएको बस दुर्घटनामा घाइते भएका एक विद्यार्थीको मृत्यु

२३१ पटक पढिएको

मंसिर १०- चितवनमा बनभोज गएको बस दुर्घटनामा घाइते भएकामध्ये एक विद्यार्थीको उपचारका क्रममा आज बिहान मृत्यु भएको छ।

घाइतेहरुमध्ये कालिका नगरपालिका ३ का ८ वर्षीय आरम्भ पोखरेलको आज बिहान ५:३० बजेतिर मृत्यु भएको जिल्ला प्रहरी कार्यालय चितवनले जानकारी दिएको छ। उनको पुरानो मेडिकल कलेजमा उपचार भइरहेको थियो।

कालिका नगरपालिका ४ स्थित चित्रवन विद्यालयका विद्यार्थीहरु गत शनिवार स्काउटको तालिम र वनभोजका लागि भन्दै जिल्लाको उपरदाङगढीमा गएका थिए।

दुर्घटनामा घाइते भएका ५ जनाको पुरानो मेडिकल कलेजमा र ७ जनाको चितवन मेडिकल कलेजमा उपचार भइरहेको छ। बसमा सवार ३२ जनामध्ये २८ जना घाइते भएका थिए।

वनभोज सकेर फर्कनेक्रममा बसको ब्रेक फेल भै बस दुर्घटना परेको थियो।