गैँडाकोटमा जारि महोत्सवमा आज चर्चित नायक पल शाह आउने

३४ पटक पढिएको

मंसिर १३, गैँडाकोट- नवलपुरको गैँडाकोटमा जारि दोस्रो गण्डकी प्रदेश महोत्सवमा आज बिहिबार चर्चित नायक तथा मोडल पल शाह आउने भएका छन्।

पछिल्लो समय दर्शकहरु बढ्ने क्रमसँगै चर्चित नायक पल शाहलाई गैँडाकोट ल्याईएको महोत्सव मुल आयोजक समितिका संयोजक अमृत भट्टचनले जानकारी दिनुभयो ।

मङ्सिर १६ गतेसम्म सञ्चालन हुने दोस्रो संस्करणको यस महोत्सवमा औद्योगिक तथा व्यापार मेला, हस्तकला मेला, कृषि मेला, पुष्पमेला, अटोमेला, सूचना तथा प्रविधिहरुको प्रदर्शनी, दैनिक उपभोग्य वस्तु तथा घरायसी सामानहरु, लत्ताकपडा, शृङ्गारका सामानलगायतका तीन सयभन्दा बढी स्टलहरु रहेका भट्टचनको भनाइ छ । सिङ्गो गण्डकी प्रदेशलाई मेलामार्फत जोड्न तथा पर्यटन प्रवद्र्धन गर्नका लागि यो महोत्सव आफैमा महत्वपूर्ण भएको उहाँको दाबी छ ।

एक करोड ३० लाख रुपैयाँ भन्दा बढीको आर्थिक कारोबार हुने लक्ष्य राखिएको महोत्सव प्रवेशका लागि रु ८० तथा विद्यार्थीको लागि रु ६० को टिकट एवम् ७० वर्षभन्दा माथिका ज्येष्ठ नागरिकलाई निःशुल्क प्रवेशको व्यवस्था मिलाइएको उहाँले जानकारी दिनुभयो ।