रामेछापमा सुमो दुर्घटनामा वडाध्यक्ष सहित ५ जनाको मृत्यु

१३१ पटक पढिएको

काठमाडौँ, १४ मंसिर । रामेछापमा सवारी दुर्घटनामा वडाध्यक्ष सहित ५ जनाको मृत्यु भएको छ ।

दुर्घटनामा वडा नम्बर ४ का अध्यक्षको समेत मृत्यु भएको छ । उनी गत स्थानीय तह निर्वाचनमा नेपाली कांग्रेसबाट निर्वाचित भएका थिए ।

रामेछाप प्रहरीका अनुसार गोकुलगंगा गाउँपालिका वडा नम्बर ६ स्थित सिमलडाँडा भिरमा फोर्स गाडी दुर्घटना भएको हो ।

१४ सिट क्षमता भएको उक्त गाडीमा ८ जना सवार रहेकोमा ५ जनाको घटनास्थलमै मृत्यु भएको र अन्य तीन जना घाइते भएको प्रहरीले जनाएको छ ।  गाडी सडकबाट करिब ३०० मिटर तल खसेको र थप विवरण आउन बाँकी रहेको प्रहरीले जनाएको छ ।