एनपीएलमा आज कर्णाली र चितवन तथा पोखरा र लुम्बिनी भिड्दै

११६ पटक पढिएको

काठमाडौ, मंसिर २१ । नेपाल प्रिमियर लिग (एनपीएल) मा आज (शुक्रबार) पनि दुईवटा खेल हुँदैछन् ।

कीर्तिपुरस्थित त्रिवि क्रिकेट मैदानमा पहिलो खेलमा बिहान ९ बजे कर्णाली याक्सले चितवन राइनोजसँग खेल्दैछ । यसअघि कर्णालीले खेलेका दुवै खेल हारेको छ भने चितवनले दुवै खेल जितेको छ ।

आजै दिउँसो १ बजे हुने दोस्रो खेलमा लुम्बिनी लायन्स र पोखरा एभेन्जर्स खेल्दै छन् । यी दुबै टोली पहिलो जितको खोजीमा छन् ।

यसअघि एक खेल खेलेको लुम्बिनी पनि पराजित टोली हो । पोखरा यसअघि खेलेका दुवै खेलमा पराजित भएको थियो ।