नृत्य गर्ने क्रममा बेहोस भएकी विद्यार्थीको मृत्यु

२३८ पटक पढिएको

मंसिर २१– नृत्य गर्ने क्रममा बेहोस भएकी एक विद्यार्थीको मृत्यु भएको छ ।

बेँसीसहर नगरपालिका– ७ स्थित भूपू सैनिक आवासीय माध्यमिक बोर्डिङ स्कुलमा कक्षा ८ मा अध्ययनरत दोर्दी गाउँपालिका–८ को ओमबहादुर तामाङकी १४ वर्षीय छोरी बिन्ती तामाङको आज दिउँसो मृत्यु भएको जिल्ला प्रहरी कार्यालय लमजुङले जनाएको छ ।

आगामी पुस २४ गते प्याब्सनको कार्यक्रमको लागि विद्यालयमा नृत्य अभ्यास गर्ने क्रममा अचानक ढलेर बेहोस भएकी उनलाई लमजुङ अस्पतालमा उपचारको लागि ल्याइएकोमा उपचारको क्रममा मृत्यु भएको जिल्ला प्रहरी नायब उपरीक्षक निशान्त श्रीवास्तवले बताए।

मृत्युको कारण भने खुलिनसकेको छैन्।