कर्णाली याक्सले विराटनगर किंग्सलाई ७ रनले हरायो

१६९ पटक पढिएको

काठमाडौँ । नेपाल प्रिमियर लिग (एनपीएल) अन्तर्गत शनिबार भएको दोस्रो खेलमा कर्णाली याक्सले विराटनगर किंग्सलाई ७ रनले पराजित गरेको छ ।

१ सय ३४ रनको लक्ष्य पछ्याएको विराटनगर २० ओभरमा ८ विकेटको क्षतिमा मात्र १ सय २६ रनमा सीमित बनेको हो ।

विराटनगरका लागि निकोलस किर्तनले सर्वाधिक ४० रनको योगदान दिए । उनले ३९ बलमा ४ चौका र एक छक्का प्रहार गरे ।

 

ओपनर लोकेश बमले ९ बलमा एक चौका र दुई छक्का हिर्काउँदै १९ रन जोडे । दीपक बोहोराले १८ रन बनाए । अन्य ब्याटरले ठुलो योगदान दिन सकेनन् ।