शिखर धवनले एनपीएलका थप खेल नखेल्ने

१९१५ पटक पढिएको

काठमाडौँ । कर्णाली याक्सका स्टार खेलाडी शिखर धवनले नेपाल प्रिमियर लिग (एनपीएल) का थप खेलहरू नखेल्ने भएका छन् । धवनसँग गरिएको करार अनुसार अब उनी कर्णालीका थप खेलहरुमा सहभागी नहुने भएका हुन् ।

धवन र क्लबबिच डिसेम्बर १० भन्दा अघिसम्म एनपीएलका खेलहरू खेल्ने सम्झौता रहेको थियो । डिसेम्बर १० तारिखपछि उनी भारतमा अर्को लिग खेल्न जाने पहिले नै तय भएको थियो ।

शनिबार भएको खेलमा धवनले पाँच रन मात्र बनाउन सके । उनले चितवन राइनोजविरुद्ध ४५ रन, काठमाडौँ गुर्खाजविरुद्ध ७२ रन तथा जनकपुर बोल्ट्सविरुद्ध १४ रन बनाएका थिए ।