गैंडाकोटमा साइकलबाट लडेर एक पुरूषको मृत्यु

११५ पटक पढिएको

मंसिर २७-  नवलपुरको गैंडाकोटमा साइकलबाट लडेर एक पुरूषको मृत्यु भएको छ।

हिजो दिउसो करिब एक बजेको समयमा नवलपुरको गैंडाकोट ७ गैंडाचोक स्थित भित्री सडकखण्डमा साइकल दुर्घटनामा परेको जिल्ला प्रहरी कार्यालय नवलपुरले बताएको छ।

दुर्घटनामा सोही वडाको गैरि समराटोल बस्ने बर्ष ६५ को सोम बहादुर दराई घाइते भै उपचारको लागि भरतपुर अस्पताल पठाईएको उनको उपचारको क्रममा आज राति १२ बजे निधन भएको हो।

मृतकको शब अस्पतालमै रहेको र घटनाको बारेमा थप अनुसन्धान भैरहेको प्रहरीले बताएको छ।