एनपिएलमा आज जनकपुर बोल्ट्स र कर्णाली याक्स भिड्दै

४०४ पटक पढिएको

काठमाडौं । नेपाल प्रिमियर लिग (एनपिएल) क्रिकेटको दोस्रो क्वालिफायर खेलमा आज जनकपुर बोल्ट्स र कर्णाली याक्स भिड्दैछन् । खेल त्रिवि क्रिकेट मैदान किर्तीपुरमा दिउँसो सवा १२ बजे शुरु हुनेछ ।

विजेता टोलीले शनिवार हुने फाइनल खेलमा सुदुरपश्चिम रोयल्ससँग उपाधिका लागि खेल्नेछ । बुधबार भएको पहिलो क्वालिफायर खेलमा जनकपुरलाई ८ विकेटले हराउँदै सुदुरपश्चिम फाइनलमा पुगेको हो ।

जनकपुरले दिएको १ सय ४० रनको लक्ष्य सुदूरपश्चिमले १८ ओभर ३ बलमा २ विकेट गुमाएर पुरा गर्यो । उसका लागि बिनोद भण्डारीले अविजित ५८ रन जोडे ।

पराजित टोली जनकपुरले फाइनल प्रवेशका लागि दोस्रो क्वालिफायर खेल्न पाएको छ । हिजो भएको इलिमिनेटरमा चितवन राइनोजलाई २१ रनले हराउँदै कर्णाली दोस्रो क्वालिफायरमा उक्लेको हो ।