गैंडाकोट र मध्यबिन्दुमा दुई पुरूषको शव फेला

गैंडाकोट नगरपालिका-९ थुम्सि नजिकै नारायणी नदीको भंगालोमा करिब ४० वर्षको मंगोलियन वर्णको पुरुषको शव फेला परेको जिल्ला प्रहरी कार्यालय नवलपुरले जानकारी दिएको छ।

हालसम्म शवको पहिचान नभएकाले भरतपुरको सरकारी अस्पतालमा राखिएका छ ।

त्यस्तै मध्यविन्दु नगरपालिका-१० टकला सामुदायिक वनमा समेत एक पुरुष मृत अवस्थामा फेला परेका छन् ।

वनमा घाँस काट्न गएका मानिसले शव देखेर प्रहरीलाई खबर गरेका थिए । मृतक गहुँगोरो बर्ण करिब ५ फिट उचाई र बायाँ हातको पाखुरामा ट्याटु हानेको प्रहरीले बताएको छ।

घटनाबारे अनुसन्धान भैरहेको प्रहरीले जनाएको छ ।