मोरङ कारागारमा रहेका एक कैदीको मृत्यु

२३२ पटक पढिएको

२० पुस, विराटनगर – मोरङ कारागारमा रहेका एक कैदीको आज मृत्यु भएको छ।

हाडनाता करणी मुद्दामा दोषी ठहर भइ कैद भुक्तान गरिरहेका बेलबारी नगरपालिका–४ का ६७ वर्षीय अम्मरबहादुर राईको मृत्यु भएको हो ।

जेलर गौरव ढुंगेलका अनुसार श्वासप्रश्वासमा समस्या भएपछि राईलाई उपचारका लागि दिउँसो २ः१५ बजेतिर कोशी अस्पतालमा भर्ना गरिएको थियो । उपचारका क्रममा उनको दिउँसो मृत्यु भएको हो ।

२०७३ साल माघ ९ गते उनलाई मोरङ जिल्ला अदालतले १४ वर्ष कैद सजाय सुनाएको थियो । राई २०७३ जेठ २३ गतेबाट कारागारमा थिए ।