फलामको गल प्रहार गरेर बाबुले गरे छोराको हत्या

११५ पटक पढिएको

काठमाडौँ, २१ पौष- फलामको गल प्रहार गरेर बाबुले आफ्नै छोराको हत्या गरेका छन्।

मृत्यु हुनेमा हरिहरपुरगढी गाउँपालिका–३, सिन्धुली चपराडाँडाका ४९ वर्षीय लीलाबहादुर पुर्कोटी सार्की रहेको प्रहरीले जानकारी दिएको छ।

हिजो बेलुका करिब साढे ८ बजे लीलाबहादुरका बुवा ७६ वर्षीय डोमानसिंह कार्कीले उनीमाथि फलामको गलले प्रहार गरेका थिए । घरायसी विवादका क्रममा डोमानसिंहले गलले टाउको र ढाडमा प्रहार गर्दा लीलाबहादुर गम्भीर घाइते भएका थिए ।

घाइते लीलाबहादुरलाई उपचारका निम्ति मकवानपुरको हेटौँडा अस्पतालमा पठाइएको थियो । उपचारका क्रममा शनिबारै राति साढे १० बजे उनको मृत्यु भएको वाग्मती प्रदेश प्रहरी कार्यालयले जानकारी गराएको छ ।

कुटपिट गर्ने डोमानसिंहलाई गल र कोदालोसहित पक्राउ गरिएको प्रहरीले जनाएको छ ।