भूकम्प अपडेट : ५३ जनाको मृत्यु, ६२ जना घाइते

२४८४ पटक पढिएको

काठमाडौँ -मंगलबार बिहान चीनमा गएको भूकम्पमा परी मृत्यु हुनेको संख्या ५३ पुगेको छ । चिनियाँ समाचार संस्था सिन्ह्वाका अनुसार भूकम्पबाट कम्तीमा ६२ जना घाइते भएका छन् ।

भूकम्पबाट नेपालमा भने हालसम्म कुनै मानवीय क्षति नभएको राष्ट्रिय आपत्कालीन कार्यसञ्चालन केन्द्रले जनाएको छ । केन्द्रले एक विज्ञप्तिमार्फत सङ्खुवासभा, भोजपुर, तेह्रथुम, ताप्लेजुङ, धनकुटा, खोटाङ, ओखलढुङ्गा, सोलुखुम्बु र पाँचथर जिल्लामा भूकम्पको कडा धक्का महसुस भएको जनाएको छ । सोही प्रकृतिको भुकम्पको धक्का गण्डकी प्रदेशको नवलपुर जिल्लामा समेत महशुस गरिएपनि केन्द्रले गण्डकी प्रदेशमा भुकम्पको धक्का महसुस नभएको जनाएको छ।