हुप्सेकोटमा घाँस काट्न गएका एक पुरूषको लडेर मृत्यु

३१२ पटक पढिएको

पुस २८- नवलपुरको जिल्लाको हुप्सेकोट गाउँपालिकामा घाँस काट्न गएका एक पुरूषको लडेर मृत्यु भएको छ।

आज बिहान करिब ७ बजेको समयमा नवलपुरको हुप्सेकोट ४ डिही बस्ने वर्ष ६० को रमन राना मगर सोही ठाउँमा रहेको थुम्किदेवी सामुदायीक जंगलमा एक्लै घाँस काट्न गएका थिए।

अबेर सम्म घर फर्की नआएकोले निजको छोरा कुल बहादुर राना मगर छिमेकी र प्रहरी सहितको टोली खोजतलास गर्दै जाँदा निजलाई सोही जंगलको भर्लाको रुख मुनी टाउकोमा गम्भिर चोट लागी घाईते अवस्थामा फेला पारेको थियो।

घाईतेलाई उपचारको लागि मध्यबिन्दु जिल्ला अस्पताल डण्डा पठाइएकोमा साँझ ५:३० बजे उपचारको क्रममा मृत्यु उनको मृत्यु भएको जिल्ला प्रहरी कार्यालय नवलपुरले जानकारी दिएको छ।

घाँस काट्ने क्रममा रुखबाट खसेको हुनसक्ने बुझिएपनि घटनाको सम्बन्धमा अनुसन्धान भईरहेको प्रहरीले बताएको छ।