आठौं नवलपुर महाेत्सव माघ २५ गतेदेखि फागुन १० गतेसम्म संचालन हुँदै

१०९ पटक पढिएको

कावासोती- आठौं नवलपुर महाेत्सव २०८१ माघ २५ गतेदेखि सुरू हुने भएको छ।

“पर्यटन ,कृषि ,उधाेग र व्यापारकाे उत्सव: समृद्धि नवलपुरका लागि आठौं महाेत्सव” भन्ने नाराका साथ कावासाेती नगरपालिका -१६ ,डण्डामा सुरू हुन लागेको नवलपुर उधाेग वाणिज्य संघका अध्यक्ष वैकुण्ठ प्रसाद अर्यालले बताउनुभयो ।

महोत्सव माघ २५ गतेदेखि फागुन १० गतेसम्म संचालन हुनेछ। जिल्लाकाे उधाेग ,व्यापार , कृषि उपज, पर्यटन क्षेत्रकाे प्रवर्द्धन , स्थानीय कला ,संस्कृतिकाे उजागर गर्नका लागि महाेत्सव फलदायी हुने संघका महासचिव सागर पाेख्रेलले बताउनुभयो ।

स्थानीय एवम् राष्ट्रिय स्तरका कलाकारहरुकाे प्रस्तुति , विभिन्न जातजातिका कला संस्कृतिकाे प्रदर्शनी , जिल्लामा उत्पादित वस्तुको प्रदर्शनी , कृषि प्रदर्शनी ,शैक्षिक अनुसन्धान र नव प्रवर्द्धन कार्य प्राेत्साहन कार्यक्रम , रत्याैली प्रतियोगिता , डान्स आइडल ,श्रष्टा सम्मान सहितका कार्यक्रम महाेत्सवमा हुने अध्यक्ष अर्यालले बताउनुभयो । महाेत्सवमा एफिल टावर, फिस टनेल र सुनामी झुला रहने आयाेजकले बताएको छ।