‘प्रेमिकाले धोका दिएको’ भन्दै ४० वर्षका पुरुषले गरे आत्मदाहको प्रयास

२७५ पटक पढिएको

माघ ७- मोरङको उर्लाबारीमा एकजना पुरुषले आफ्नै शरीरमा आगो लगाएका छन् ।

‘प्रेमिकाले धोका दिएको’ भन्दै झापाको दमक नगरपालिका–७ का ४० वर्षीय विनोद थापाले पेट्रोल छर्किएर लाइटर बाली शरीरमा आगो लगाएका हुन् ।

आइतबार बिहान थापाले शरीरमा पेट्रोल छर्किएर आगो लगाएको मोरङ प्रहरीले जनाएको छ । उर्लाबारी नगरपालिका–७ पश्चिम बस स्टेण्डमा रहेको अन्नपूर्ण खाजा घरमा गएर थापाले शरीरमा आगो लगाएको बताइएको छ ।

अन्नपूर्ण खाजा घर झापाको दमक नगरपालिका–३ घर भएकी २८ वर्षीय इन्द्र लिम्बुले सञ्चालन गरेकी हुन् । इन्द्रले आफूलाई धोक दिएको विनोदको आरोप छ । उनीहरू दुवैजना विवाहित हुन् । प्रहरीले इन्द्रलाई सोधपुछ गरेर परिवारको जिम्मा लगाएको छ ।  थापाको विराट टिचिङ अस्पतालमा उपचार हुँदैछ ।