चितवनमा युवकमाथि निर्घात कुटपिट गर्ने असई निलम्बनमा

३६७ पटक पढिएको

माघ ७- चितवनको भरतपुर ११ बसेनी चोकमा गस्ती गर्ने क्रममा एक युवकलाई कुटपिट गर्ने प्रहरी निलम्बनमा परेका छन्।

अस्थायी प्रहरी बिट गणेशधाममा कार्यरत असई बुद्धिबहादुर भुजेल निलम्बनमा परेको चितवन जिल्ला प्रहरी कार्यालयका एसपी गौतम मिश्रले बताए।

घटना पुस १५ गते राति ११ बजेको भएपनि भिडियो सामाजिक संजालमा भाइरल भएपछि प्रहरीले घटनाको बारेमा छानबिनका लागि जिल्ला प्रहरी कार्यालय चितवनका डीएसपी ज्ञान कुमार महतोको नेतृत्वमा समिति गठन गरेको थियो।

पदीय मर्यादा र आचरण बिपरित क्रियाकलाप गरेको भन्दै नेपाल प्रहरी प्रधान कार्यालयले समेत गम्भीर ध्यानाकर्षण भएको बताएको छ।