केराउको एउटा दानाले लियो डेढ वर्षीय बालकको ज्यान

२६२८ पटक पढिएको

नयाँ दिल्ली । भारतको झारखण्डमा केराउको एउटा दानाका कारण डेढ वर्षीय बालकको मृत्यु भएको छ ।

कैरो थाना क्षेत्र अन्तर्गत गुडी करंज टोल निवासी कृषक खुदी उरांवका डेढ वर्षीय छोरा शिवम उरांवको बिहीबार मृत्यु भएको हो । खुदी र उनको परिवार बिहीबार बारीमा कामका लागि गएको थियो । सोही क्रममा उनीहरूले डेढ वर्षीय शिवमलाई पनि सँगै लगेका थिए ।

बच्चालाई भुल्याउनका लागि उनीहरूले आफ्नै बारीमा फलेको केराउ उखेलेर दिएका थिए । घर फर्किने क्रममा बच्चाले केराउको लहरो पनि सँगै ल्याएको थियो ।

केहीबेरमा बच्चा तड्पिन थाल्यो र परिवारका सदस्यले तत्काल अस्पताल लगे । तर चिकित्सकले बच्चाको मृत्यु भइसकेको घोषणा गरे ।

ती बालकले केराउको कोसाबाट दाना निकालेर खाने क्रममा श्वास नलीमा अड्किएर मृत्यु भएको चिकित्सकको भनाइ छ ।एजेन्सी