बाबुरामले ज्वाइँलाई पनि बनाए केन्द्रीय सदस्य, समितिमा ९ जना थपिए

५१ पटक पढिएको

काठमाडौं, फागुन १२ । नेपाल समाजवादी पार्टीमा ९ जना केन्द्रीय सदस्य थपिएका छन् ।

पार्टी अध्यक्ष बाबुराम भट्टराईले आफ्ना ज्वाइँ जेकेन्द्र श्रेष्ठसहित ९ जनालाई केन्द्रीय समितिमा मनोनीत गरेका हुन् ।

मनोनीत हुने केन्द्रीय सदस्यहरूमा सिर्जना रिजाल, सरस्वती पाण्डे, कृष्ण शर्मा, राजु नेपाली, धनबहादुर गुरुङ, एकबहादुर राना, जीएस गुरुङ र चिनक कुर्मी रहेका छन् ।

बाबुरामकी छोरी मानुषी भने यसअघि नै उपाध्यक्षमा निर्विरोध निर्वाचित भएकी थिइन् ।

केन्द्रीय सदस्यको १० प्रतिशत मानोनित गर्ने विधानको व्यवस्था बमोजिम अध्यक्ष डा. भट्टराईले ९ जना केन्द्रीय सदस्य मनोनित गरेका हुन् । ११ पदाधिकारी र ९० सदस्य प्रत्यक्ष निर्वाचन प्रक्रियाबाट निर्वाचित भइसकेका छन् ।