“नशा नशामा रगत रगतमा…” गीत गाएर टिकटकमा भाइरल भएकी राधा बादीको मृत्यु

श्रीमान जोग्गिरे बादीसँगै सुदूरपश्चिमका विभिन्न ठाउँमा गीत गाउन हिँड्ने राधा आइतबार बिहान सुतिरहेको अवस्थामा नै मृत फेला परेको कालिकोटका प्रहरी निरीक्षक गोविन्दप्रसाद चौधरीले बताए ।

घटनास्थलका स्थानीयलाई उद्धृत गर्दै प्रहरी निरीक्षक चौधरीले भने, “श्रीमान श्रीमतीले धेरै नै मदिरा सेवन गर्नु हुन्थ्यो । त्यही कारणले श्रीमतीको मृत्यु भएको हुनसक्छ ।” बादीको शव पोस्टमार्टमका लागि लैजान घटना स्थलमा आफू पुगेको भन्दै उनले त्यसको रिपोर्ट आएपछि मृत्युको कारण यकिन हुने जानकारी दिए । उनले भने, “श्रीमान श्रीमती नै राति रक्सि खाएर सँगै सुत्नुभएको रहेछ । राति अरू कुनै व्यक्ति आएको जस्तो देखिएको छैन ।”

हालसम्म बादी दम्पतीको परिवारका अन्य सदस्यको खोजी भइरहेको तर कोही पनि पत्ता नलागेको उनले बताए । पछिल्लो हप्तामा टिकटकमा बादी जोडिलाई धेरैले रुचाएका थिए । टेकपानाबाट