हावाहुरीको कारण फेवातालमा फसेका तीन जनाको सकुशल उद्धार

३९ पटक पढिएको

२० फागुन, काठमाडौं । हावाहुरीको कारण फेवातालमा फसेका तीन जनाको उद्धार गरिएको छ ।

सशस्त्र प्रहरीको टोलीले पोखरा महानगरपालिका–६ स्थित फेवातालमा फसेका तीन जनाको मंगलबार सकुशल उद्धार गरेको हो ।

उद्धार गरिएकाहरुमा बाराको जितपुर सिमरा उपमहानगरपालिका–२ बस्ने ४३ वर्षीय राजन उप्रेती, ४५ वर्षीय केशव दाहाल र ४७ वर्षीय विष्णुहरी दाहाल छन् ।

प्याडल बोटमा बोटिङ गरिरहेको अवस्थामा एक्कासी आएको हावाहुरीका कारण उनीहरू फेवातालमा फसेका थिए ।

सोबारे जानकारी पाउनासाथ सशस्त्र प्रहरी बल नेपाल नं. २४ कालिका गण कास्कीबाट फेवाताल रेस्क्यु टावरमा खटिएको सुरक्षा फौजले मोटर बोटको सहायताले उनीहरुको सकुशल उद्वार गरिएको सशस्त्रका सहप्रवक्ता शैलेन्द्र थापाले बताए ।