यी दुई प्रदेशमा वर्षा र हिमपातको सम्भावना

१३६ पटक पढिएको

काठमाडौं, फागुन २५ । हाल देशमा पश्चिमी न्यून चापीय प्रणालीको आंशिक प्रभाव रहेको छ । अहिले विहान देशका पहाडी भू–भागमा आंशिक बदली रही बाँकी भू–भागमा मौसम मूख्यतया सफा रहेको छ ।

जल तथा मौसम पूर्वानुमान महाशाखाका अनुसार दिउँसो देशका सातवटै प्रदेशमा बदली हुनेछ । कोशी र बागमती प्रदेशको पहाडी भूभागका एक–दुई स्थानमा मेघ गर्जन, चट्याङसहित हल्का वर्षाको सम्भावना रहेको छ भने हिमाली भूभागका एक दुई स्थानमा हल्का हिमपातको सम्भावना रहको महाशाखाले जनाएको छ ।

आइतबार राति पनि देशैभरि आंशिक बदली हुने पूर्वानुमान छ । रातिको समयमा वर्षा र हिमपातको सम्भावना भने नरहेको महाशाखाले जनाएको छ ।