भरतपुरको क्यान्सर अस्पतालकी लेखा अधिकृत घुस प्रकरणमा दोषी ठहर, एक वर्ष ६ महिना जेल

२१७ पटक पढिएको

काठमाडौँ । बीपी कोइराला मेमोरियल क्यान्सर अस्पताल चितवनकी लेखा अधिकृत अमृता कोइराला घुस प्रकरणमा दोषी ठहर भएकी छन् ।

विशेष अदालतका न्यायाधीशहरु टेकनारायण कुँवर, तेजनारायण सिंह राई र रामबहादुर थापाको संयुक्त इजलासले उनलाई दोषी ठहर गर्दै एक वर्ष ६ महिना कैद र ६ लाख रुपैयाँ जरिवानाको फैसला सुनाएको हो ।

कोइरालाले अस्पतालको औषधि आपूर्तिकर्ता एप्लस मेडिकोलाई दिनुपर्ने रकमको भुक्तानीको निकासाका लागि सञ्चालक नन्दलाल पोखरेलसँग घुस मागेको प्रमाणित भएको छ।

नेपाल प्रहरीको केन्द्रीय अनुसन्धान ब्युरो (सिआईबी) ले डिजिटल फरेन्सिक परीक्षण गरी अडियो तथा भिडियो सामग्रीहरू सुरक्षित रहेको निष्कर्ष निकालेको थियो ।

कोइरालाको रातो रङको भेस्पा स्कुटरमा एक लाख ५० हजार र  नारायणी डेभलपमेन्ट बैंकबाट रु ४ लाख ५० हजारको चेक कारोबार गरिएको भेटिएको थियो ।

थप समाचार:

भरतपुरको वीपी कोइराला क्यान्सर अस्पतालकी लेखा अधिकृत घुससहित पक्राउ