तीनकुने घटनामा ३० जनालाई ५ दिन हिरासतमा राख्न अदालतको अनुमति

१४९ पटक पढिएको

काठमाडौँ । काठमाडौँ जिल्ला अदालतले तीनकुने घटनामा पक्राउ परेका ३० जनालाई ५ दिन हिरासतमा राख्न अनुमति दिएको छ ।

आइतबार न्यायाधीश तारादेवी महर्जनको इजलासले पक्राउ परेकाहरुमध्ये ३० जनालाई आपराधिक उपद्रवसम्बन्धी कसुरमा ५ दिन हिरासतमा राख्न अनुमति दिएको हो ।

सोही प्रकरणमा पक्राउ परेका राप्रपाका महामन्त्री धवलशमशेर राणा, उपाध्यक्ष रवीन्द्र मिश्रलगायत ११ जनाको पनि ५ दिन नै म्याद थप भएको छ।  शुक्रबार राजावादीले गरेको प्रदर्शन हिंसात्मक भएसँगै उनीहरु पक्राउ परेका थिए ।