गैँडाकोट इङ्लिस स्कुलमा यसै शैक्षिक सत्रदेखि विज्ञान विषयको पढाइ हुने

९४ पटक पढिएको

नवलपुरको गैँडाकोटमा रहेको गैँडाकोट इङ्लिस स्कुलमा यसै शैक्षिक सत्रदेखि विज्ञान विषयको पढाइ हुने भएको छ ।

यसै शैक्षिक सत्रदेखि स्कुलले विज्ञान विषयमा पढाइ सञ्चालन गर्न अनुमति प्राप्त गरेको स्कुलका प्रिन्सीपल हिरालाल अर्यालले जानकारी दिनुभयो ।

एसइइको नतिजापछि स्कुलमा कक्षा ११ मा भर्नाहुने विद्यार्थीहरुका लागि लक्षित गर्दै स्कुलले नयाँ विषय थप गरेको हो । विद्यार्थी तथा अभिभावकहरुको अनुरोधमा स्कुलले नयाँ संकाय थप गरेको अर्यालले बताउनुभयो । विज्ञानको पढाइ हुने भएपछि विद्यार्थी र अभिभावकहरुमा उत्साह थपिएको छ ।

गैँडाकोट नगरपालिकाको एकमात्र क बर्गको गैँडाकोट इङ्लिस स्कुलमा यसअघि होटल म्यानेजमेन्ट र कम्प्युटर साईन्समा पढाइहुदै आएकोमा यसै शैक्षिकसत्रदेखि विज्ञान विषय थप गरिएको हो ।