नयाँ बर्षमा पटिहानीमा रैथाने बजारको शुभारम्भ

११४ पटक पढिएको

भरतपुर महानगरपालिका २२ नम्बर वडा कार्यालय पटिहानीको आयोजनामा नब वर्ष २०८२ को अबसरमा रैथाने बजार २०८२ को शुभारम्भ हुने भएको छ।

“स्थानीय उत्पादनलाई प्रोत्साहन गरौं, आर्थिक समृद्धिको दिशामा अघि बढौं” भन्ने नारा सहित २०८२ बैशाख १ गते अपरान्ह ४ बजे नगर प्रमुख रेनु दाहाल ज्युको प्रमुख आतिथ्यतामा वडा परिसरमा शुभारम्भ गर्ने कार्यक्रम रहेको छ वडाध्यक्ष बिष्णुराज महतोले जानकारी दिनुभयो ।

रैथाने बजारमा स्थानीय उत्पादन, कृषि उत्पादन, हस्तकला तथा स्थानीय परिकारहरुका स्टल रहने छन्।

नयाँ बर्षको अवसर पारी शुभारम्भ गरिने रैथाने बजार हरेक हप्ताको शुक्रबार अपरान्ह ४ बजेदेखि निरन्तर हुने समेत बताईएको छ ।

साथै उक्त दिन विविध साँस्कृतिक कार्यक्रम समेत समावेश गरिएको सो कार्यक्रममा उपस्थित भई सफल बनाउन सबैमा वडाध्यक्ष महतोले अनुरोध समेत गरेका छन् ।