विद्युतीय हाजिरीका लागि सांसदको बायोमेट्रिक लिन सुरू

१०९ पटक पढिएको

काठमाडौँ। विद्युतीय हाजिरीका लागि सांसदको बायोमेट्रिक लिन सुरू गरिएको छ। सचिवालयले आज सोमबारदेखि प्रतिनिधि सभाका सांसदहरूको बायोमेट्रिक लिन सुरू गरेको हो।

सभामुख देवराज घिमिरे र उपसभामुख इन्दिरा रानाले बायोमेट्रिक दिएर यो कामको सुरूआत गरेको सभामुखका प्रेस संयोजक शेखर अधिकारीले बताए।

‘आजदेखि विद्युतीय हाजिरीको तयारी सुरू भएको छ। अब छिट्टै लागु हुन्छ,’ उनले भने।

संसदमा विद्युतीय हाजिरीको व्यवस्था हुनुपर्ने माग उठ्दै आएको थियो। सांसदहरूको हाजिरीसमेत संसद सचिवालयले सार्वजनिक गर्न आनाकानी गर्दै आएको छ। राजनीतिक दलका प्रभावशाली नेताहरूको संसदमा न्यून उपस्थिति हुने र उनीहरूकै दबाबले गर्दा सचिवालयले हाजिरी सार्वजनिक गर्न सकेको छैन।