चितवनबाट लागुऔषध सहित २ जना पक्राउ

१६५ पटक पढिएको

चितवन। लागुऔषध खैरो हिरोइन सहित चितवनबाट २ जनालाई प्रहरीले पक्राउ गरेको छ।

सोमबार साँझ ८ बजेको समयमा वडा प्रहरी कार्यालय नारायणगढ चितवनबाट खटिएको प्रहरी टोलिले भरतपुर महानगरपालिका वडा नं. ४ यज्ञपुरीबाट उनीहरूलाई पक्राउ गरेको हो।

पक्राउ पर्नेमा भरतपुर महानगरपालिका वडा नं. ५ बस्ने बर्ष २४ को बिमर्श शाही र जिल्ला चितवन भरतपुर म.न.पा. वडा नं.७ बस्ने बर्ष १९ को आयुष गुरुङ रहेका छन्।

निजहरुको साथबाट लुकाई छिपाई राखेको अबस्थामा सेतो रङको प्लास्टिकको पुरियामा प्रतिबन्धित लागु औषध खैरो हेरोईन जस्तो देखिने पदार्थ ४ ग्राम ४०० मिलिग्राम सहित निजहरुलाई नियन्त्रणमा लिई थप अनुसन्धान भईरहेको जिल्ला प्रहरी कार्यालय चितवनले जनाएको छ।