गैँडाकोटबाट बेपत्ता ३७ वर्षीया तारादेवीको शव भेटियो

२५७ पटक पढिएको

गैँडाकोट ।पूर्वी नवलपरासीको गैँडाकोटबाट बेपत्ता भएकी ३७ वर्षीया तारादेवी पौडल(पराजुली) मृत अवस्थामा फेला परेकी छिन् । गएराति अन्दाजी १२ वजेदेखि घरबाटै बेपत्ता भएकी पौडलको शव आज साँझ नारायणी नदीमा फेला परेको हो ।

इलाका प्रहरी कार्यालय गैँडाकोटले उज्यालो खबरलाइ दिएको सूचना अनुसार गैँडाकोट नगरपालिका वडा नं. ५ मा अवस्थित नारायणी एडभेन्चर रिसोर्ट नजिकै नारायणी नदी किनारमा उनको शव भेटिएको हो ।पौडेलले किन आत्महत्याको बाटो रोजिन् भन्ने विषयमा कुनै जानकारी प्राप्त हुन सकेको छैन ।

उनको शव पोष्ट मार्टमका लागि भरतपुर अस्पतालमा राखिएको छ ।मृतक पौडलका श्रीमान, एकछोरा र एक छोरी रहेका छन् । उनको मृत्युुले परिवारमा सन्नाटा छाएको छ । गैँडाकोट नगरपलिका वडा नं. ४ सहजचोक बस्दै आएको पौडल परिवारले स्टेशनरी व्यवसाय गर्दै आएको छ ।