सेयर बजार ११.६९ अंकले बढ्यो

१६५ पटक पढिएको

काठमाडौं । साताको कारोबारको दोस्रो दिन आज सेयर बजार ११.६९ अंकले बढेर दुई हजार एक सय २९ दशमलब ४२ विन्दुमा बन्द भएको छ ।

आज कारोबार भएका १२३ कम्पनीको शेयरमूल्य बढेको छ भने ९८ कम्पनीकोे शेयरमूल्य घटेको छ । चार वटा कम्पनीको शेयरमूल्य स्थिर रहेको छ ।

आज ८ कम्पनीको शेयरमूल्य उच्च अङ्कले बढेको छ । आज हिमालयन लाइफ ईन्स्युरेन्स कम्पनीको शेयरमूल्य १० प्रतिशतले बढेको छ भने सात वटा कम्पनीको शेयरमूल्य ९ प्रतिशत भन्दा बढीले बढेको छ ।  नेप्सेका अनुसार कारोबारको आधारमा आज सबैभन्दा बढी शिवम् सिमेन्टको ४२ करोड ५ लाख रुपैयाँ भन्दा बढीको कारोबार भएको छ ।