कावासोतीमा पौडी खेल्नेक्रममा बेपत्ता बालक मृत फेला

१८० पटक पढिएको

कावासोती । कावासोतीको बाडखोलामा पौडी खेल्ने क्रममा बेपत्ता भएका बालक मृत अबस्थामा फेला परेका छन् ।

कावासोती ७ रामनगर टोलका अप्सन अधिकारीकाे शव बाडखाेलामा मृत अवस्थामा फेला परेको जिल्ला प्रहरी कार्यालय नवलपुरले जानकारी गराएको छ।

हिजो साँझदेखि बेपत्ता उनको खोजतलास गरेपनि फेला फेला नपरेकोले आज बिहानैदेखि पुनः खोजी गर्दा खाेलाकाे दलदलमा भेटिएको थियो।

घरदेखि ५ सय मिटरको दुरीमा रहेको बाडखोलमा अधिकारी बेपत्ता भएका थिए। उनको नेपाल प्रहरी, आर्मी र स्थानीयकाे सहयोगमा खोजी कार्य भएको थियो ।

जिल्ला प्रहरी कार्यालय नवलपुरले मुचुल्का उठाएर शवपरिक्षणका लागि मध्यविन्दु जिल्ला अस्पतालमा लगिएको जानकारी गराएको छ।