श्रीमतीको हत्या गरेको अभियोगमा श्रीमान पक्राउ

बर्दिया, भदौ १। आफ्नै श्रीमतीको हत्या गरेको अभियोगमा उनका श्रीमान पक्राउ परेका छन्।

४० वर्षीया केस कुमारी विकको हत्या गरेको अभियोगमा बढैयाताल गाउँपालिका-१ सानोडाँफे बर्दियाका ५१ वर्षीय कृपाल सुनारलाई बिहीबार दिउँसो प्रहरीले पक्राउ गरेको छ ।

सुनारले आफ्नै श्रीमतीको हत्या गरेको भन्ने खबर प्राप्त हुनासाथ ईलाका प्रहरी कार्यालय मैनापोखर र प्रहरी चौकी जमुनीबाट खटिएको प्रहरीले उनलाई पक्राउ गरेको थियो । घटनाका सम्बन्धमा प्रहरीले थप अनुसन्धान गरिरहेको छ ।