माछा मार्ने क्रममा डुबेर देवचुलीका एक युवा बेपत्ता

११४ पटक पढिएको

देवचुली। नारायणी नदीमा माछा मार्ने क्रममा डुबेर देवचुलीका एक जना बेपत्ता भएका छन् । कावासोती ११ लौगाईस्थित लोकाहा खोला र नारायणी नदीको दोभानमा माछा मार्न गएका देवचुली ११ पृथ्वीनगरका २० वर्षीय मंगल पुलामी बेपत्ता भएको जिल्ला प्रहरी कार्यालय नवलपुरले जानकारी दिएको छ।

पुलामी साथीहरुसँग माछा मार्ने क्रममा शनिबार दिउँसो १२:३० बजे बेपत्ता भएका थिए ।पुलामीसँगै अर्का एक जना पनि डुबेको र तत्काल नै अन्य माछा मार्नेहरुले उद्धार गरेको स्थानीयले बताए । पुलमी बेपत्ता भए लगत्तै स्थानीयले प्रशासनलाई खबर गरि तीनवटा डुंगा र हात्तीसहित खोजी गर्दा बेलुकासम्म फेला नपरेको प्रहरीले जनाएको छ।