नेपालमा पछिल्लो २४ घण्टामा १११ संक्रमित थपिए

सो अवधिमा ६ हजार ४८४ जनाको पिसीआर परीक्षण गर्दा ९४ जना र तीन हजार २२४ जना एन्टिजेन परीक्षण गर्दा १७ जना गरी जम्मा १११ जनामा कोरोना संक्रमण देखिएको छ ।

४१५ जना कोरोनाबट संक्रमणमुक्त भएका छन् । योसँगै हालसम्म नौ लाख ५६ हजार ४१३ जना संक्रमणमुक्त भएका छन् । स्वास्थ्य तथा जनसङ्ख्या मन्त्रालयका अनुसार हाल देशैभरी आठ हजार ५१७ जना सक्रिय संक्रमित छन् ।

यो सँगै नेपालमा कोरोना संक्रमितको कूल सङ्ख्या ११ लाख १६ हजार १९१ पुगेको छ ।

हाल आठ हजार २८५ होम आइसोलेशनमा रहेको र २३२ जना संस्थागत आइसोलेशनमा रहेको मन्त्रालयले जनाएको छ ।

संक्रमितमध्ये ८१ जना आइसीयु र १० जना भेन्टिलेटरमा उपचाररत् छन् भने १० वर्ष मुनिका चार बालबालिकामा कोरोना संक्रमण पुष्टि भएको छ । एघारदेखि २० वर्ष उमेर समूहका ६ जना कोरोना संक्रमित थपिएका छन् ।

कोरोनाबाट नेपालमा मृत्यु हुनेको सङ्ख्या ११ हजार ९३५ पुगेको छ ।