गैँडाकोट नगरपालिकाका प्रमुख प्रशासकीय अधिकृत रिजालको सरुवा

१६७ पटक पढिएको

गैँडाकोट । गैँडाकोट नगरपालिकाका प्रमुख प्रशासकीय अधिकृत मुक्तिराम रिजालको सरुवा भएको छ । २०७८ चैत्र ७ गतेदेखि गैँडाकोट नगरपालिकामा प्रमुख प्रशाकीय अधिकृतको रुपमा कार्यरत रिजालको गृहमन्त्रालयमा सरुवा भएको हो । उहाँलाई नगरपालिकाले मंगलबार एक कार्यक्रमका बिच बिदाई तथा फेरि भेटौँला कार्यक्रम राखेको नगरपालिकाले बताएको छ।

रिजालको सरुवा भएसँगै गैँडाकोट नगरपालिकाको प्रमुख प्रशासकीय अधिकृतमा झविन्द्र खनाल आउनुहुने नगरपालिकाका सूचना अधिकारी लिलाधर शर्माले बताउनुभयो। अर्घाखाँचीको शितगंगा नगरपालिकाको प्रमुख प्रशासकीय अधिकृतको रूपमा रहनुभएका खनाल गैँडाकोट आउन लागेको नगरपालिकाले बताएको छ ।