मौलाकाली केवलकार परिसरमा एटिएम सेवा शुभारम्भ

१२२ पटक पढिएको

गैंडाकोट । मौलाकाली केवलकार परिसरमा ग्लोबल आइएमई बैंकको एटिएम सेवा शुभारम्भ भएको छ । बिहिवार एक समारोहका बीच केवलकार परिसरमा एटिएम सेवाको उद्घाटन गरिएको हो ।

गैंडाकोट नगरपालिका वडा नम्बर १ का वडा अध्यक्ष सुरेन्द्र रेग्मी र मौलाकाली केवलकारका स्टेशन मेनेजर सुरज पौडेलले संयुक्त रुपमा पानसमा दियो बाली एटिएम सेवाको उद्घाटन गर्नुभएको हो ।

केवलकारका स्टेशन मेनेजर पौडेलले नेपालको नम्बर वन बैंक बन्न सफल ग्लोबल आइएमई बैंकले आफ्नो परिसरमा एटिएम सेवा शुरु गरेकोमा यसबाट धेरै सेवाग्राही लाभान्वित हुने बताउनुभयाे ।

सो अवसरमा ग्लोबल आइएमई बैंकका गण्डकी प्रदेश प्रमुख ईश्वरी प्रसाद जोशीले बैंकका सेवाका बारेमा जानकारी गराउनुभएको थियो । कार्यक्रममा बैंकका क्लस्टर प्रमुख बिदुर ज्ञवाली, गैंडाकोट शाखा प्रमुख किसन श्रेष्ठ, केवलकारका प्रोजेक्ट मेनेजर विजय पौडेल लगायतको उपस्थिति थियो ।