चितवन हस्पिटल प्रा.लिको नि:शुल्क स्वास्थ्य शिविरमा ३०० जना लाभान्वित

४१९ पटक पढिएको

अनिता गैरे,मंसिर १६- चितवन हस्पिटल प्रा.लि को आयोजनामा कालिका नगरपालिका ९ स्थित चतुर्मुखी माध्यमिक विद्यालय शक्तिखोरमा आज नि:शुल्क स्वास्थ्य शिविर सम्पन्न भएको छ ।

स्वास्थ्य शिविर कार्यक्रममा करिब ३०० जनाको स्वास्थ्य परीक्षण गरिएसँगै १४० जनाको सुगर तथा प्रेसर परिक्षण गरिएको चितवन हस्पिटल प्रा. लि.का अस्पताल  निर्देशक नारायण सापकोटाले जानकारी गराउनुभयो।

स्वास्थ्य शिविरमा सामान्य चिकित्सा, स्तन फोक्सो तथा छाती क्यान्सर सम्बन्धी सेवा, जनरल तथा थोरासिक सर्जरी सम्बन्धी परामर्श, पेटरोग तथा मधुमेह, हाडजोर्नी तथा नसा, स्त्री रोग प्रसुती रोग, नाक कान घाँटी सम्बन्धी रोग र छाला राेग तथा याैन राेग सम्बन्धि नि:शुल्क औषधी तथा परामर्श उपलब्ध गराईएको सापकोटाले बताउनुभयो।

नगरपालिका उपप्रमुख विमला तामाङ ज्युकाे सुगर परिक्षण गरि स्वास्थ्य शिविर कार्यक्रमको उद्घाटन गरिएको थियो।