नारायणगढ–बुटवल सडकखण्डको ढिलासुस्तीका बिरूद्ध रास्वपाको दबाब यात्रा

११६ पटक पढिएको

गैंडाकोट। राष्ट्रिय स्वतन्त्र पार्टीले आजदेखि गैँडाकोटको पुल्चोकबाट बुटवलसम्म दबाब यात्रा आयोजना गर्ने भएको छ ।

पूर्वपश्चिम राजमार्गअन्तर्गत नारायणगढ–बुटवल सडकखण्डको स्तरोन्नतिमा भइरहेको ढिलासुस्ती र यात्राका क्रममा नागरिकले खेप्नुपरेको सास्तीबारे सरकारको ध्यानाकर्षण गराउन ३ दिनसम्म दबाब यात्रा आयोजना गर्ने पार्टीका सभापति रवि लामिछानेले बताउनुभयो।सो यात्रामा रास्वपाका नेता र सांसदहरू समेत सहभागी हुने जनाइएको छ ।

‘रास्वपाको दबाब यात्रा’ नाम दिइएको सो अभियान सोमबार बिहान ९ बजे गैँडाकोट बाट सुरू भै ११ गते बुटवलमा गई दवाव यात्रा टुङ्गिनेछ।

सभापति लामिछानेले दबाब यात्रामा उपस्थित हुने कसैले पनि झन्डा, लोगो, टिसर्ट लगायत पार्टी सम्बद्ध कुनै पनि वस्तु प्रयोग नगरिदिन समेत आग्रह गरेका छन् ।