रैथाने फुड फेस्टिवल: आज अन्नु चौधरी, सुप्रिम मल्ल र भुवन प्यासीको प्रस्तुती रहने

१६३ पटक पढिएको

चितवन । चितवनको नारायणगढ स्थित क्याम्पाचौरमा जारी रैथाने फुड फेस्टिबल तथा वृहत सांस्कृतिक कार्यक्रममा आज राष्ट्रिय तथा स्थानीय कलाकारहरुको बेजोड प्रस्तुती रहने आयोजक संस्था होटल व्यवसायी संघ चितवनका अध्यक्ष लोकनाथ भट्टले जानकारी दिनुभयो।

पौष १४ देखि जारी फुड फेस्टिबल तथा वृहत सांस्कृतिक अन्तर्गत आज अन्नु चौधरी, सुप्रिम मल्ल ठकुरी र भुवन प्यासीको बेजोड प्रस्तुती रहनेछ। साथै स्थानीय कलाकारहरूले पनि आफ्नो कला प्रस्तुत गर्ने कार्यक्रम रहेको भट्टले बताउनुभयो। फेस्टिवलमा ३९ स्टलहरूमा दैनिक बिभिन्न रैथाने खानाका परिकारहरू खान पाईन्छ।

आज फुड फेस्टिबलको अन्तिम दिन रहेको आयोजक संस्था होटल व्यवसायी संघ चितवनले बताएको छ।