राप्ती नगरपालिकामा आइतबार ल्होसारको सार्वजनिक बिदा

११९ पटक पढिएको

नवलपुर अनलाइन। चितवनको राप्ती नगरपालिकाले आइतबार सोनाम ल्होसारको अवसरमा सार्बजनिक बिदा दिएको छ।

राप्ती नगरपालिकाको माघ २६ गतेको निर्णय भन्दै आज शनिवार मात्रै फेसबुकमा आइतबार सार्वजनिक बिदा भन्ने बारेको सूचना राखेको हो। सो बिदा बारे भने वेबसाइटमा अहिलेसम्म कुनै सूचना जारि गरिएको छैन्।

माघ २७ गते शनिवारका दिन सोनाम ल्होसार परेकोले सो अवसरमा माघ २८ गते आइतबार थप एकदिन नगरपालिका भित्रका सम्पूर्ण सरकारी निकाय तथा विद्यालय, बैँक तथा वित्तीय संस्थाहरूमा बिदा दिईएको नगर प्रमुख शमसेर लामाद्धारा हस्ताक्षरित सूचनामा उल्लेख छ।