हिन्दुराष्ट्रको पक्षमा डा. शशांक कोइरालाको हस्ताक्षर

११४ पटक पढिएको

नारायण शर्मा,नवलपुर। लगातार चौथो पटक पूर्वी नवलपरासीवाट संघिय संसदमा प्रतिनिधित्व गर्दै आएका कांग्रेस नेता डा शशांक कोइरालाले गोदावरीमा जारी कांग्रेसको महासमिति बैठकमा एजेण्डा लैजान भन्दै शुरु गरिएको हिन्दु राष्ट्र बनाउने प्रस्तावमा हस्ताक्षर गरेका छन ।

कांग्रेसमा प्रभावशालि मानिने कोइरालाले हस्ताक्षर गरेको तस्वीर नेताहरुले समाजिक संजालमा शेयर गरेका छन । कांग्रेस नेता भानु सिग्देलले महासमिति बैठक स्थलमा रहेको पुस्तिकामा कोइरालाले हस्ताक्षर गरेको टेलिफोनमा जानकारी दिए ।

कोइरालका स्वकिय सचिव भरत तिवारीले डा.  शुरुदेखि नै नेपाल सनातन हिन्दु राष्ट्र हुनुपर्छ भनेर कांग्रेसमा आबाज बुलन्द गर्ने पहिलो ब्यक्ति हुनुहुन्थो आज त्यसैमा हस्ताक्षर गर्नु भएको टेलिफोनमा जानकारी दिए । देशभरीको जनमत पनि त्यहि पक्षमा छ तिवारीले भने यो एजेण्डा महासमिति भेलामा पेश गरेर पास गर्न दवाव दिन पर्छ भन्ने पार्टि भित्र पनि बलियो शक्ति देखिएको छ त्यसैको सम्मानकालागि कोइरालाले मंगलवार महासमितिको भेला स्थल बाहिर राखिएको महाअभियानमा हस्ताक्षर गर्नु भएको हो तिवारीले भने । महासमिति भेलामा उपस्थित भएका ३० भन्दा बढि कांग्रेसका केन्द्रिय सदस्यहरुले हस्ताक्षर गरेका छन ।

पूर्वी नवलपरासीमा गत संघिय निर्वाचनको समयमा प्रचारमा हिडदा मतदाताले हिन्दु राष्ट्रका पक्षमा काम गर्न कोइरालालाई दवाव दिदै आएका थिए ।